ترامپ صربستان و کوسووا دولت رهبرلرینی آق اویگه چقیردی

امریکا قوشمه ایالتلری دولت باشلیغی دانلد ترامپ نینگ صربستان و کوسووا  اورته سیده گی کیلیشماوسیزلیک که ییچیم اوچون ایککی اولکه دولت ییتکچیلرینی 27 جونده آق اویگه چقیرگن لیگی بیبلدیریلدی.

وال ستریت جورنال Wall Street Journal روزنامه سی تامانیدن یوقاری سویه لی مقاملرگه تیانتیریب بیریلگن خبرگه کوره، ترامپ صربستان و کوسووا  اورته سیده اوزاق ییللردن بیری دوام ایتیب تورگن کیلیشماوسیزلیک که ییچیم تاپیش بوییچه اوچره شیش لری اوچون آدیم آتدی.

ترامپ صربستان جمهور باشلیغی الکسندر ووسیک بیلن کوسووا  دولت باشلیغی هاشم تاچی نی 27 جونده آق اویگه دعوت ایتگن.  

صرب مسؤللر بونقه بیر دعوت آلگن لیکلرینی تایید ایترکن، کوسووا  تاماندن حلی گچه بیانات بیریلمه دی.

امریکالیک مقاملر ایسه ترامپ ترامپ نینگ بوحرکتینی "2020 ییلی سیلاوی اوچون تشقی سیاستده کریدیت قولگه کیریتیش اورونیشلری اوله راق" بهالندیرماقده لر.

کوسووا  2008- ییلی صربستاندن اجره لیب بیر تامانلمه مستقل لیگینی اعلان قیلگن حالده صربستان بو اولکه توپراقلرینی اوز اولکه سی دیب تن آلماقده.