واشنگتن شهرداری: شهر نینگ تیگره گی گه جایلشتیریلگن عسکر لرنینگ کیتیشی کیره ک

امریکا قوشمه ایالتلری پایتختی واشنگتن دی سی نینگ شهرداری بووسر, قاره تنلی جورج فلوید نینگ پولیس تامانیدن اولدیریلیشی آرتیدن باشله گن ناراضی چیلیک نمایش لری سببلی شهر نینگ تیگره گی گه جایلشتیریلگن عسکر لرنینگ کیتیشی کیره ک ایکن لیگی نی بیلدیردی. 

بووسر, ناراضی چیلیک نمایش لری جریانیده گی حادثه لر نی توخته تیش اوچون باشقه ایالتلر دن واشنگتن گه یوباریلگن اوشبو عسکر لرنینگ ایندی کیتیش لری کیره ک ایکن لیگی نی معلوم قیلدی. 

ایککی کون دن بیری واشنگتن ده گی ناراضی چیلیک نمایش لری جریانیده هیچ قنده ی بیر حادثه نینگ یوز بیرمه گن لیگی بیلدیریلماقده. 

امریکا قوشمه ایالت لری دولت رهبری دونالد ترامپ نینگ بویروغی گه بناً اوشبو عسکر لرنینگ کیلیشی آرتیدن منطقه ده یوز بیریاتگن حادثه لر میزانی انچه توشیب کیتدی. 

شونده ی قیلیب ناراضی چیلیک نمایش لری تینچلیک سیور بیر شکلده دوام ایتدی.

مینه سوتا ایالتی ده 25- می ده, قاره تنلی جورج فلوید قولگه آلینرایکن, پولیس تامانیدن اولدیریلگن ایدی. 

اوشبو حادثه آرتیدن امریکا قوشمه ایالتلری ده ناراضی چیلیک نمایش لری باشلب کیتدی. 

خوددی شوو ناراضی چیلیک نمایش لری جریانیده ایریم پیت لر ده زورانلیک حادثه لری یوز بیردی.

فلوید نینگ اولیمی گه سبب بولگن پولیس درک شووین نینگ قمه لیشی تقدیرده کمیده 40 ییل لیک بیر مدت بیر آزاد لیک دن محروم ایتیلیشی کوتیلماقده.