امریکا قوشمه ایالتلریده پولیس تامانیدن اولدیریلگن قاره تنلی کیشی اوچون انگلستانده نمایش اوتکزیلدی
قاره تنلی فلوید پولیس تامانیدن اولدیریلگندی
انگلستان نینگ پایتختی لندنده مینگلب کیشی امریکا قوشمه ایالتلری نینگ مینه سوته شهریده نظارتگه آلگونچه پولیس تامانیدن اولدیریلگن جورچ فوید اوجون بیردملیک مظاهره سی اویوشتیردی.
ترافالگر میدانیده توش وقتی ییغیلگن مظاهره چیلر، "عدالت بولمه گنده تینچلیک هم بولمه یدی"، تیزینگیزنی ایلکه میزدن کوترینگ" شکلیده شعارلر بیریب امریکا قوشمه ایالتلری و انگلستان حکومتی گه قرشی اسعار و شهارلر کوتریب ناراضی لیک بیلدیردیلر.
مظاهره چیلر کیینچه لیک امریکا قوشمه ایالتلری نینگ بویوک ایلچی لیگی تامان یوروب باردیلر.
ایلچیلیکده قتتیق چاره – تدبیر آلگن انگلیس پولیس کوچلری بیلن مظاهره چیلر اورته سیده لفظی و فزیکی توقنه شوو یوز بیردی. عاقبتده 11 نفر مظاهره چی نظارتگه آستیگه آلیندی.
مظاهره چیلر کیینچه لیک باش وزیرلیک دفتری نمبر 10 جایلشگن داوینگ ستریتده مظاهره لریگه دوام ایتدیلر.
