اوی نینگ تگیدن 120 ییل لیک تونل تاپیلدی

انگلستان ده قرنتین سببلی زیریکیب قالگن بیر کیشی, اویی نینگ تگیده 120 ییل لیک تونل تاپدی. 

پلیموث شهریده یشیاتگن جیک براون, ینگی تور کرونا ویروس (کووید 19) سببلی دواملی روشده اوی ده قالیش گه مجبور بولیب قالدی.  خوددی شوو مدت دوامیده براون اویی گه اوزگریش کیریتیش گه قرار قیلدی. 

دیوار لر دن بیری نینگ شکلی نینگ فرقلی ایکن لیگی نی کورگن و دیوار نی اویگن براون, تیشیک نینگ آرقه قسمی ده کینگیش و بوش بیر ساحه نینگ موجود ایکن لیگی نی کوردی. 

اوشبو ییر نینگ بیر تونل ایکن لیگی نی درک ایتگن براون, مذکور تونل دن 1900 – ییل دن قالگن بویاق قطی لری بیلن 1964 – ییل گه عاید بیر روزنامه تاپدی. 

براون, اوشبو وضعیت نی, تاریخچی دوستی ریچارد فیشر گه توشینتیریب بیردی. 

ریچارد ایسه, اوشبو منطقه نینگ بیر پیت لر " Windridge Hill" نامیده بیر جایدن عبارت ایکن لیگی نی بیلدیررایکن, اوی لرنینگ زیرخانه لی شکلده قوریلگن لیگی نی معلوم قیلدی.

ریچارد, بونگه اوخشش جای لرنینگ کیین ایسه شراب مخزن لری و حتی مغاره شکلیده گی حمام لر گه ایلنتیریلگن لیگی نی بیلدیردی.