کووید 19 گه چلینگن انگلستان باش وزیری بوریس جانسون ساغَیدی

انگلستان باش وزیری بوریس جانسون, ینگی تور کرونا ویروس (کووید 19) تداوی سی آرتیدن توزه لیب وظیفه سی گه قیتیب کیلدی. 

توناوون باش وزیرلیککه کیلگن جانسون, بوگون ویدیوکنفرانس آرقه لی وزیرلر کینگشی ییغیلیشی نی باشقره دی. 

جانسون نینگ بوگون مطبوعات ییغینی اوتکزیشی هم کوتیلماقده.

تلگراف روزنامه سی نینگ خبری گه کوره, جانسون نینگ جاری هفته ده کرونا ویروس چیکلاو لری نینگ یومشه تیلیشی بوییچه پلان لر نی اعلان قیلیشی کوتیلماقده.

جانسون نینگ اوشبو چیکلاو لرنی یومشه تیشی نینگ ممکن ایکن لیگی بیلدیریلماقده. 

انگلستان ده 23 مارچ ده گی قرار لر دایره سیده خلق نینگ اوی دن چیقیش لری چیکله نرایکن, مارکیت و دواخانه لر خارج برچه تجارت مرکز لری یاپیلگن ایدی. 

اوشبو چیکلاو لر 16 اپریل ده ینه 3 هفته لیک بیر مدت بیلن اوزه یتیریلگن ایدی. 

باش وزیر جانسون نینگ کووید 19 تستی 27 مارچ ده مثبت چیققن ایدی. 

شونده ی قیلیب جانسون 5 اپریل کونی کسلخانه گه یاتقزیلدی.  بیر کون کیین ایسه جدی مراقبت بولیمی گه انتقال ایتتیریلدی.

جانسون 12 اپریل کونی توزه لیب شفاخانه دن رخصت قیلینگن ایدی.  جانسون نینگ وظیفه گه باشله مسدن آلدین معلوم بیر مدت دم آله دیگن لیگی بیلدیریلگن ایدی.