کانادا ده قوراللی هجوم عاقبتیده اولگن کیشی لرنینگ سانی 23 نفر گه ییتدی
شنبه کونی کانادا نینگ نوا اسکوشیا ایالتیده قوراللی هجوم اویوشتیریلگن ایدی
1403303
کانادا نینگ نوا اسکوشیا ایالتیده شنبه کونی اویوشتیریلگن قوراللی هجوم عاقبتیده جان بیرگن کیشی لرنینگ سانی 23 نفر گه ییتدی.
قراللیک آتلی پولیس کوچی نینگ نوا اسکوشیا بولیمی تامانیدن بیریلگن یازمه بیاناتده, گابریال وورتمن (51 یاشلی) ناملی هجومچی نینگ, 18 اپریل دن باشلب 19 اپریل گه قدر دوام ایتگن هجومی عاقبتیده اولگن کیشی لرنینگ سانی نینگ 23 نفر گه ییتگن لیگی بیلدیریلدی.
بیاناتده, هجومچی نینگ پولیس بیلن بولگن توقنه شوو جریانیده اولدیریگن لیگی و جسدی نینگ قولگه کیریتیلگن لیگی معلوم قیلیندی.
اوشبو حادثه بیلن علاقه لی تیرگاو و دلیل توپلش پروسه سی نینگ دوام ایتیاتگن لیگی بیلدیریلدی.
عینی دمده نوا اسکوشیا ایالتیده یوز بیرگن اوشبو حادثه نینگ اولکه تاریخی ده اینگ کوپ کیشی نینگ اولیمی گه سبب بولگن هجوم دن عبارت بولگن لیگی معلوم قیلیندی.
