آلمان تشقی ایش لر وزیری ترامپ نی تنقید ایتدی

آلمان تشقی ایش لر وزیری هایکو ماس, امریکا قوشمه ایالت لری دولت رهبری دونالد ترامپ نینگ جهان ساغلیق نی سقلش تشکیلاتی گه تامین ایتیاتگن فوند نی توخته تیب قویش بوییچه قراری نی تنقید ایتدی. 

ماس, آلمان خبر آژانسی دن عبارت DPA بیلن قیلگن مصاحبه سیده, ینگی تور کرونا ویروس (کووید 19) نینگ چیگره سی بولمه گن لیگی, تامان لرنینگ بیر بیر لری نی عیبلَشی نینگ هیچ قنده ی بیر فایده سی نینگ بولمیدیگن لیگی نی معلوم قیلدی. 

ماس, خلق ارا مقیاسده همه نینگ بیر یقه دن باش چیقاریب کووید 19 گه قرشی کوره ش آلیب باریشی کیره ک ایکن لیگی نی بیلدیردی. 

هایکو ماس, "پاندیمی گه قرشی کوره ش بوییچه اینگ یخشی فعالیت لر دن بیری, تست لر و واکسین لرنینگ اویلب چیقاریلیشی و ترقه تیلیشی اوچون بیرلشگن ملت لر تشکیلاتی و اینیقسه ییترلی مالی امکانیت گه ایگه بولمه گن جهان ساغلیق نی سقلش تشکیلاتی نینگ کوچی نی آرتیریش دن عبارت" دییه قید ایتدی. 

ترامپ, توناوون بیرگن بیاناتیده, جهان ساغلیق نی سقلش تشکیلاتی نینگ چین اوچون ایشلَیاتگن لیگی و اوشبو یوقیملی کسللیک نینگ آلدی نینگ آلینیشی بوییچه یخشی فعالیت قیلمه گن لیگی نی ادعا ایتیب, امریکا قوشمه ایالتلری نینگ مذکور تشکیلات گه تامین ایتیاتگن فوند نی معطل قیلیب قویگن لیگی نی بیلدیرگن ایدی.