روسیه ده پوتین نینگ کاندید لیگی بیلن علاقه لی رفراندوم بولیب اوته دی

روسیه جمهوررئیسی ولادیمیر پوتین, 2024- ییل ده بولیب اوته دیگن جمهوررئیسلیک سیلاو لری ده کاندید بولیشی اوچون زمینه یره تیب بیره دیگن و اوشبو اولکه ده سیاسی تیزیم نی اوزگرته دیگن اساسی قانون اوزگریشی بیلن علاقه لی 22 اپریل ده رفراندوم اوتکزیلیشی گه قرار قیلدی. 

روسیه جمهوررئیسلیک قصری (کرملین) تامانیدن بیریلگن یازمه بیانات گه کوره, پوتین, 22 اپریل ده اوشبو خصوصده رفراندوم بولیب اوتیشی بوییچه فرمان نی امضاله گن. 

اوشبو دایره ده 50 فایز دن آرتیق مثبت رای آلیشی تقدیرده, اساسی قانون اوزگریشی کوچ گه کیره دی. 

اساسی قانون اوزگریشی بیلن علاقه لی قانون لایحه سی روسیه پارلمانی و فدرال منطقه لرنینگ قانونچیلیک اورگان لری تامانیدن قبول قیلینگن ایدی. 

پوتین نینگ اوچینچی مرته جمهوررئیسلیک اوچون کاندید بولیشی ممکن ایمس ایدی.  اساسی قانون اوزگریشی نینگ بولیب اوته دیگن رفراندوم ده هم قبول ایتیلیشی تقدیرده, پوتین نینگ آلدین ایککی مرته جمهوررئیس بولگن لیگی نظرده توتیلمسدن, 2024- ییلده بولیب اوته دیگن جمهوررئیسلیک سیلاو لریده کاندید بولیش امکانیتی گه ایگه بوله دی.

شونده ی قیلیب اوشبو قانون اوزگریشی سیله نه آلیشی تقدیرده پوتین گه 2036- ییل گه قدر جمهوررئیسلیک وظیفه سی نی دوام ایتتیریشی اوچون زمینه یره تیب بیره دی.