دنیا ساغلیق نی سقلش تشکیلاتی کرونا ویروس نی پاندمی اوله راق بهالنتیردی

دنیا ساغلیق نی سقلش تشکیلاتی, ینگی تور کرونا ویروس (Covid-19) نی پاندمی (دنیا بویلب ترقه لیب کیتگن) اوله راق بهالنتیردی. 

خوددی شوو تشکیلات نینگ باشلیغی تدروس ادهانوم, کرونا ویروس حقیده بیانات بیردی. 

ایککی هفته ده, چین دن تشقری کرونا ویروس واقعه سی سانی نینگ 13 قَوَت, تاثیرلنگن اولکه لرنینگ سانی نینگ هم 3 قوت آرتیب کیتگن لیگی نی بیلدیرگن ادهانوم, ایندی کرونا ویروس نینگ بیر پاندمی گه ایله نیب قالگن لیگی نی معلوم قیلدی. 

ادهانوم, دنیا ساغلیق نی سقلش تشکیلاتی نینگ اوشبو یوقیملی کسللیک نی 24 ساعت مابینیده بهالنترگن لیگی, ویروس نینگ کینگ ترقه لیب کیتیاتگن لیگی نینگ خواطر گه سبب بولیاتگن لیگی و اوشبو ویروس گه قرشی ییترلیک مقیاسده باش قاتیریلمه گن لیگی نی ایسله تیب اوتدی. 

ادهانوم, "شوباعث کرونا ویروس نینگ بیر پاندمی اوله راق بهالنتیریلیشی نینگ ممکن ایکن لیگی نی بیلدیردیک" دییه قید ایتدی. 

دنیا ساغلیق نی سقلش تشکیلاتی اینگ سونگ میلادی 2009 – ییلده H1N1 ویروسی اوچون "پاندمی" اعلان ایتگن ایدی.