مایک پمپیئو: افغانستان ایچیده موازی بیر حکومت قوریش تشبثی گه قرشی میز

امریکا قوشمه ایالتلری تشقی ایشلر وزیری مایک پمپیئو، بیرلشگن و مستقل بیر افغانستاننی قوللب – قوتله گن لیکلرینی بیراق اولکه ایچیده موازی بیر حکومت قوریش تشبثی گه قرشی ایکن لیکلرینی بیلدیردی.

پمپیئو بیرگن یازمه بیاناتیده، افغانستانده سونگی جمهور رئیسلیک سیلاویده ایککی کاندیدنینگ هم قازانگن لیگینی اعلان قیلیشی گه اشاره قیلیب اولکه ده گی تینچلیک جریانینی بهالندیردی.

امریکا قوشمه ایالتلری اوله راق افغانستان نینگ بردملیک و مستقللیک که قاووشیشی اوچون جدی اورونگن لیکلرینی معلوم قیلگن پمپیئو، قیته دن جمهور باشلیغی ایتیب سیلنگن غنی نینگ اولکه ده تینچلیک نی بیرینچی پلانگه آلگن بیر حکومت اوچون مذاکره لرنینگ دوام ایته جگینی بیلدیریشیدن خرسند ایکن لیکلرینی اورغوله دی.

پمپیئو،

" امریکا قوشمه ایالتلری، افغانستان خلقی نینگ تینچلیک نی ساغینگن لیگینی درک ایتگن، ایککی تامان نینگ کیلیشیشی اوچون اورونیب تورگن و برچه حزبلرنی بو هدفگه یونلتیش اوچون قرارلی دیر" دیب ایتدی.  

افغانستانده موازی بیر حکومت قوریش تشبثی گه قرشی ایکن لیکلرینی بیلدیرگن پمپیئو،

"امریکا قوشمه ایالتلری – طالبان گروهی کیلیشووی و امریکا قوشمه ایالتلری – افغانستان مشترک اعلامیه سی بیزگه تاریخی بیر فرصت یراتماقده. کینگ – کولملی بیر حکومت گه و بیرلشگن بیر افغانستانگه اولویت بیریش اولکه نینگ کیلجگی و اینیقسه تینچلیک نینگ اورنه تیلیشی اوچون جوده مهم دیر" دییه قید ایتدی.

افغانستانده سونگی جمهور رئیسلیک سیلاویده یوتوق قازانگن لیگی اعلان قیلینگن اشرف غنی بیلن سیلاوگه فساد بولگن لیگینی، اوزی نینگ یوتوق قازانیب بیرینچی بولگن لیگینی ادعا قیلگن عبدالله عبدالله توناون کونی ایریم بیر قسم یاد ایتیش مراسمی اوتکزدی.