خلیلزاد: تینچلیک پروسه سی بوییچه فرصت دن یخشی فایده له نیش کیره ک

امریکا قوشمه ایالتلری نینگ افغانستان بوییچه خاص نماینده سی زلمی خلیلزاد, طالبان بیلن بولگن تینچلیک پروسه سی نینگ مثبت نتیجه بیریشی اوچون همه نینگ بیر یقه دن باشقه چیقاریب سعی و حرکت ایتیشی کیره ک ایکن لیگی نی بیلدیردی.

خلیلزاد, اجتماعی ترماق آرقه لی بیرگن بیاناتیده, "افغانستان ده تقریباً 40 ییل دن بیری دوام ایتیب کیلیاتگن اوروش نینگ اداققه ییتیشیشی و برقرار لیک نینگ تامین ایتیلیشی اوچون یخشی بیر فرصت یره تیلدی.  اوشبو فرصت دن یخشی فایده له نیش کیره ک.  طالبان بیلن بولگن تینچ لیک پروسه سی نینگ یخشی نتیجه بیریشی اوچون همه نینگ بیر یقه دن باش چیقاریب سعی و حرکت ایتیشی کیره ک" دییه قید ایتدی. 

طالبان بیلن افغانستان حکومتی اورته سیده تینچ لیک مذاکره لرنینگ باشله تیلیشی اوچون تیارگرلیک لرنینگ باشله گن لیگی نی بیلدیرگن خلیلزاد, اوشبو پروسه دن منفی فایده له نیلمس لیگی کیره ک ایکن لیگی نی معلوم قیلدی. 

جمهوررئیس اشرف غنی باشچی لیگی ده گی حکومت اوچون کتته بیر تهدید دن عبارت بولگن طالبان گروهی, اولکه نینگ بعضی جای لریده حاکمیت قوریب آلگن وضعیتده. 

افغانستان حکومتی نینگ طالبان بیلن تینچ لیک مذاکره لری بوییچه بیر نیچه مراتبه تشبث قیلگن لیگی و اوشبو دایره سیده تینچ لیک کینگشی نینگ قوریلگن لیگی هم افغانستان ده تینچ لیک نینگ تامین ایتیلیشی اوچون ییترلیک بولمه دی.