دانلد ترامپ اوزینی ونزوئلا دولت باشلیغی ایتیب اعلان قیلگن گوئیدو بیلن اوچره شدی
گوئیدو، ونزوئلا عالی عدالت سودی تامانیدن چیت ایلگه چیقیشی منع قیلینگن حالده سفر قیلیب چیقدی.
امریکا قوشمه ایالتلری دولت باشلیغی دانلد ترامپ اوزینی موقتی دولت باشلیغی ایتیب اعلان قیلگن ونزوئلالیک جوئان گوئیدو بیلن آق اویده اوچره شدی.
ترامپ گوئیدونی آق اوی نینگ ایشیگیده کوتیب آلدی.
ایککی تاماندن مطبوعاتگه بیریله دیگن بیانات هیچ بیر سبب ایتیلمه ی کنسل بولدی.
اوچره شوو هم مطبوعاتگه یاپیق روشده بولیب اوتدی.
گوئیدو، ترامپ دن آلدین امریکا قوشمه ایالتلری دولت باشلیغی اورینباسری مایک پنس و امریکالیک ایریم سیاستچیلر بیلن اوچره شوو اوتکزدی.
امریکا قوشمه ایالتلری تامانیدن قوللب – قوتلنگن گوئیدو، ونزوئلا عالی عدالت سودی تامانیدن چیت ایلگه چیقیشی منع قیلینگن حالده 19 جنوریده کولمبیاگه باریب بو اولکه نینگ پایتختی بوگوتاده اویوشتیریلگن امریکا قاره سی تروریزم گه قرشی کوره ش 3- وزیرلر کنفرانسی گه قتنشگندی.
بو کنفرانس گه امریکا قوشمه ایالتلری تشقی ایشلر وزیری مایک پمپیئو بیلن گوئیدو کیین سویس نینگ داووس قصبه سیده اوتکزیلگن دنیا اقتصادی ییغینی نینگ جلسه سیگه قتنه شیش و تورلی اوچره شوولر اوتکزیش اوچون اروپاگه بارگندی.
