ترامپ: طالبان نینگ زوروانلیک نی کمیتیریشی کیره ک

امریکا قوشمه ایالت لری دولت رهبری دونالد ترامپ, افغانستان ده گی تینچ لیک مذاکره لری نینگ نتیجه بیریشی اوچون طالبان گروهی نینگ زوروانلیک لر نی جدی روشده کمیتیریشی کیره ک ایکن لیگی نی بیلدیردی. 

ترامپ, سویس نینگ داووس قصبه سیده دنیا اقتصادی ییغیلیشی دایره سیده افغانستان جمهوررئیسی محمد اشرف غنی بیلن اوچره شدی. 

اوچره شوو بیلن علاقه لی آق اوی تامانیدن بیریلگن بیاناتده, ترامپ نینگ افغانستان مسئله سی بوییچه سیاستی گه دقت قره تیلدی. 

بیاناتده, "دولت رهبری ترامپ, افغانستان نینگ کیله جگی بیلن علاقه لی مثبت مذاکره لر بولیشی اوچون طالبان نینگ جدی مقیاسده و قالووچی روشده زوروانلیک لرنی کمیتیریشی کیره ک ایکن لیگی نی بیلدیردی" دییه قید ایتیلدی. 

افغانستان جمهوررئیس لیک سوزچیسی صدیق صدیقی ایسه بیرگن بیاناتلریده, طالبان نینگ افغانستان حکومتی بیلن بیواسطه مذاکره قیلیشی اوچون آلدین آتشکیسین اعلان قیلیشی کیره ک ایکن لیگی نی بیلدیرگن ایدی 

طالبان نینگ قطر دفتری نینگ سوزچیسی سهیل شاهین اجتماعی ترماق آرقه لی بیرگن بیاناتیده, امریکا قوشمه ایالت لری نماینده سی بیلن طالبان اورته سیده قطر ده دوام ایتیاتگن تینچ لیک مذاکره لری نینگ یخشی اوتیاتگن لیگی نی معلوم قیلگن ایدی.