امریکا قوشمه ایالتلری نینگ حربی مرکزیگه اویوشتیریلگن هجومده 3 کیشی جان بیردی

کنیاده امریکا قوشمه ایالتلری نینگ حربی لری جایلشگن منده کورفزیده گی حربی مرکزگه ترور تشکیلاتی الشباب تامانیدن اویوشتیریلگن هجوم عاقبتیده 1 ته امریکالیک عسکر بیلن 2 نفر امریکا قوشمه ایالتلری مدافعه وزیرلیگی (پنتاگون) نینگ قراردادی پرسونلی حیاتینی یوقاتدی.

امریکا قوشمه ایالتلری افریقا کوچلری قومندانلیگی (AFRICOM) دن بیریلگن یازمه بیاناتده؛

"شرقی افریقاده القاعده نینگ ترماقلریدن بیرته سی الشباب نینگ منده کورفزیده جایلشگن کنیا مدافعه کوچلری حربی مرکزی گه اویوشتیریلگن هجوم عاقبتیده 1 ته امریکالیک عسکر بیلن 2 نفر امریکا قوشمه ایالتلری مدافعه وزیرلیگی (پنتاگون) نینگ قراردادی پرسونلی حیاتینی یوقاتدی. عیندمده ایککی کیشی امریکا قوشمه ایالتلری مدافعه وزیرلیگی پرسونلی ایسه یره لندی" دیب ایتیلگن.

مذکور بیاناتده، توپ و خفیفه قورال آرقه لی هجوم اویوشتیریلگن لیگی بیلدیریلدی.

یره لی لرنینگ وضعیتی نینگ یخشی ایکن لیگی و منطقه دن انتقال بیریلگن لیکلری قید ایتیلدی.

بو هجوم نینگ عین دمده خصوصی شرکتلرنینگ ایککی ته اوچاغی گه هم زیان ییتکیزگن لیگی معلوم قیلیندی.

باشقه تاماندن کنیا مدافعه کوچلریدن بیریلگن بیاناتده، حربی مرکزده گی هجوم نینگ برطرف ایتیلگن لیگی و خوفسیزلیک نینگ تامین ایتیلگن لیگی بیلدیریلدی.

توقنه شوونینگ آرتیدن الشباب ترور تشکیلاتی منسوبی 5 کیشی جنگری نینگ جسدی بیلن انچه قورال و مهمات نینگ قولگه کیریتیلگن لیگی افاده ایتیلدی.

بیاناتده،

"تروریستلر پلانلریگه موفق بولمه دیلر و بولالمه یدیلر" دیب ایتیلگن.