لیبیاده یوز بیرگن توقنه شووده اونلب کیشی اولدی

لیبیاده خلق ارا مقیاسده تن آلینگن ملی کیلیشوو حکومتی، پایتخت طرابلس ده گی توقنه شوولرده تونترووچی جنرال خلیفه حفتر جنگریلریدن 10 ته سی نینگ اولدیریلگن لیگینی بیلدیردی.

ملی کیلیشوو حکومتی سوزچیسی محمد قنونو، برقان الغضب عملیاتی مطبوعات مرکزیده گی بیاناتیده، بیرلشگن عرب امیرلیکلری تامانیدن 4 تانک آرقه لی قوللب – قوتلنگن حفتر کوچلری نینگ طرابلس قونلغه سی یولیده گی کوپریک گچه کیلیب کیرگنینی بیلدیردی.

قنونو، حکومت کوچلری نینگ منطقه گه کیریب کیلگن حفتر کوچلریگه قرشی لیک کورستیب یوز بیرگن توقنه شوو عاقبتیده 10 جنگری نینگ اولگن لیگینی 12 عسکری واسطه نینگ تخریب بولگن لیگینی افاده ایتدی.

حفتر، 4 اپریلده طرابلس نی قولگه کیریتیش اوچون اوز کوچلری گه هجوم قیلیشلری اوچون بویروق بیریب 48 ساعت جریانیده پایتخت طرابلس نی قولگه آله جکلرینی ادعا ایتگندی. بونگه قرشی ملی کیلیشوو حکومتی کوچلری ایسه برقان الغضب عملیاتینی باشله تگن ایدی.