آلمان ده بیر تورک شهردار ایتیب سَیلَندی

آلمان ده تورک اصللی سیاستچی بیلیت اونای, هانوفر شهرداری ایتیب سَیلَندی. 

هانوفر شهردارلیگی اوچون بولیب اوتگن سیلاو لرنینگ ایککینچی روندی ده یاشیل لر حزبی نینگ کاندیدی بیلیت اونای, مسیحی دموکرات بیرلیک حزبی تامانیدن قوللب- قُوَتله نیاتگن مستقل کاندید اکهارد شولز دن کوپراق رای آلیب شهردار ایتیب سیله نیش گه موفق بولدی. 

هانوفر شهردارلیگی انترنت سایتی آرقه لی بیریلگن سیلاو نتیجه لری گه کوره, اونای رای لرنینگ 52,9 فایزی نی کسب ایتیش گه موفق بولیب شهردار ایتیب سیلندی. 

38 یاشلی اونای, ایککی هفته آلدین بولیب اوتگن سیلاو لرنینگ بیرینچی روندی ده هم بیرینچی بولیب چیققن ایدی. 

شونده ی قیلیب اونای, آلمان تاریخیده شهردار ایتیب سیلَنگن بیرینچی تورک اصللی سیاستچی دن عبارت بولدی. 

اونای, هانوفر شهردارلیگی ده بیرگن بیاناتیده اونی قوللب- قُوَتله گن کیشی لر گه منتدارچیلیک بیلدیردی.