لبنان باش وزیری الحریری استعفا ایتدی
17 اکتوبردن بیری حکومت گه قرشی دوام ایتیب تورگن مظاهره لر باعث وظیفه دن چیتلنگن لیگینی بیلدیردی
لبنان باش وزیری سعد الحریری، اوز استعفاسینی جمهور باشلیغی میشل عون گه تقدیم ایتیب بیردی.
الحریری بیر مطبوعاتی کنفرانس ارقه لی اوز استعفاسینی اعلان قیلگندن کیین پایتخت بیروت نینگ شرقیده جایلشگن جمهور رئیس لیک سرایی گه باردی.
الحریری، لبنانده 17 اکتوبردن بیری حکومت گه قرشی دوام ایتیب تورگن مظاهره لر باعث وظیفه دن چیتلنگن استعفاسینی جمهور رئیس گه تقدیم ایتگندن کیین هیچ بیر بیانات بیرمه ی جونب کیتگن لیگی بیلدیریلدی.
الحریری نینگ استعفاسی کیینچه لیک جمهور رئیس لیک تامانیدن یایینلندی.
استعفا مکتوبیده مملکت دوچ کیلگن ایچکی قیینچیلیکلرنی کوزگه توتیب "اولیملی بیر حرکت" قیلیش اوچون بونگه قول اورگنینی افاده ایتگن الحریری؛
"قیینچیلیک لرگه قرشی کوچلی اراده سی بولمیش و لبنانلیکلرنینگ عالی منفعتلرینی قوریقلاوچی ینگی بیر حکومت نینگ ایجاد ایتیلیشی گه قناعت کیلتیردیم. حکومتیم نینگ استعفاسینی تقدیم ایته من و سیزلرگه امدلر تیله یمن" دیب افاده ایتگن.
لبنانده 17 – اکتوبرده اقتصادی وضعیت و مالیه لرگه قرشی باشلنگن مظاهره لر، تکنوکراتلردن عبارت مستقل کیچیک ینگی بیر حکومت طلبی بیلن دوام ایتیب بارماقده.
باش وزیر الحریری 21 اکتوبرده اقتصادی بحراننی کمه یتیریش مقصدی بیلن بیر قطار قرارلر آلگن لیکلرینی بیان ایتگندی. بیراق بو قرارلر آلینگن حالده هم مظاهره لر تینمه دی.
علاقه لی ینگی لیکلر
اورته ییر دینگیزیده یوزلب قاچقین حیاتینی یوقاتدی
اورته ییر دینگیز ساحه لریده 23 اپریل تاریخیده یوزبیرگن کیمه حادثه سی گه تیگیشلی معلومات بیریلدی