یمنده اونلب کیشی اولیب یره لندی

یمن نینگ حاجه ولایتیده حکومت گه باغلیغ کوچلر بیلن حوثی لر اورته سیده یوز بیرگن توقنه شووده 25 حوثی اولدی.

یمن اردوسیگه باغلیغ 5- عسکری منطقه مطبوعات دفتریدن بیریلگن یازمه بیاناتده حوثی لر مملکت نینگ شمالیده جایلشگن عبس و حاجه ولایتلری بیلن غربده جایلشگن التین منطقه سیگه هجوم اویوشتیرگن لیگی بیلدیریلدی.

بو هجوم نینگ آرتیدن یوز بیرگن توقنه شووده 25 کیشی حوثی جنگریسی نینگ اولگن لیگی کوپلب جنگری نینگ یره لنگن لیگی معلوم قیلیندی.

اوزاق مدتدن بیری سیاسی برقرارسیزلیک دوام ایتیب تورگن یمنده حوثی لر بیلن حکومت گه باغلیغ کوچلر اورته سیده توقنه شوولر یوز بیرماقده.

حوثی لر 2014 – ییلی سپتامبر آییدن بیری پایتخت صنا و بعضی بیر منطقه لرنینگ کنترولینی قولیگه توتیب تورگن.

سعودی عربستان باشچیلیگیده گی ائتلاف کوچلری ایسه 2015 – ییلی مارچ آییدن بیری حوثی لرگه قرشی یمن حکومتینی قولب – قوتله ماقده.