یمنده گی حوثی لر، حکومت گه اسیر المه شووی تکلیف قیلدی

یمنده گی حوثی لر، حکومت گه "بیرینچی مرحله ده 2 مینگ کیشینی اوز ایچی گه آله دیگن شکلده اسیر المه شووی" تکلیفینی بیردی.

حوثی لرگه باغلیغ اسیرلر کمیته سی باشلیغی عبدالقدیر المرتضی، جمهور باشلیغی عبدالربابو منصور هادی باشچیلیگیده گی حکومت گه محلی واسطه چیلر آرقه لی بیرینچی مرحله ده 2 مینگ کیشینی اوز ایچی گه آله دیگن شکلده اسیر المه شووی تکلیف قیلگنلیکلرینی بیلدیردی.

مرتضی حوثی لرگه عاید المسیره تلویزیونی گه بیرگن بیاناتیده،

"المه شوو کیلیشووینی جاری هفته ده عملی قیلیش گه تیار ایکن لیگیمیزنی واسطه چیلرگه بیلدیردیک. شو وقت حکومت نینگ جوابینی کوتیب تورگن میز" دیدی.

موضوع بیلن تیگیشلی حلی گچه یمن حکومتیدن هیچ بیر بیانات بیریلمه دی.

یمن حکومتی، حوثی لرنی انسانی بیر معما بولیب تورگن اسیر المه شووی گه توسیق بولیش بیلن عیبله ماقده دیر.

یمنلیک تامانلر بیرلشگن ملتلر تشکیلاتی حمایه سیده سویس نینگ پایتختی استکهلم ده 2018 – ییلی دسامبر آیی نینگ 6-13 تاریخلریده اوتکزیلگن مصلحتی جلسه لرده اسیر المه شووی، حدیده ده آتشکیسین، بندرلر و تعز بیلن تیگیشلی کیلیشووگه قول قوییلگندی. بیراق عملی قیلینیشی بوییچه بیرقطار کیلیشماوسیزلیکلر یوز بیرگن ایدی.