چین طالبان هیئتی بیلن اوچره شوو اوتکزدی

چین تشقی ایشلر وزیرلیگی تامانیدن بیریلگن بیاناتده، چین لیک مسؤللرنینگ طالبان نینگ باشقرووچیلریدن عبدالغنی برادر باشچی لیگیده بیر هیئت بیلن اوچره شگن لیگی بیلدیریلدی.

وزیرلیک سوزچیسی گینگ شوئانگ، پایتخت پیکینگده اوتکزگن فوق العاده مطبوعاتی کنفرانسده قطرنینگ پایتختی دوحه دن برادر باشچی لیگیده گی هیئت نینگ سونگی کونلرده چین گه سفر اویوشتیرگن لیگینی معلوم قیلیب، تشقی ایشلر وزیرلیگی مسؤللری نینگ برادر بیلن افغانستانده گی موجود وضعیت و تینچلیک جریانی بوییچه فکر المه شووی عملگه آشیرگن لیگینی قید ایتدی.

گینگ، "چین اوزاق مدتدن بیری افغانستانده گی ینگی لیکلرگه اهمیت بیرماقده. تینچ لیک جریانی نینگ آلغه آلیب باریلیشی اوچون اورونماقده دیر. افغانستان نینگ تیگیشلی تامانلری بیلن هردائیم تماس و اوچره شوولرگه دوام ایتماقده" دیب ایتدی.

امریکا قوشمه ایالتلری بیلن افغانستان طالبانی نینگ مذاکره لر آلیب باریشینی، دیالوگ مذاکره لری اوچون اورونوشینی و قیسقه مدت جریانیده ملی کیلیشوو بیلن تینچلیک و بردملیک نینگ تامین ایتیلیشینی امید قیله میز" دیب گپیردی. گینگ، مملکتی نینگ بو مسئله ده بوندن کیین هم توغری رول اوینشنی تاکییدله دی.

امریکا قوشمه ایالتلری دولت باشلیغی دانلد ترامپ، سپتامبر آیی باشیده امریکالیک بیر عسکر اولگن کابلده گی هجوم باعث طالبان بیلن آلیب دباریله یاتگن مذاکره لرنینگ توخته تیلگن لیگینی و افغانستان جمهور باشلیغی اشرف غنی و بیر قطار طالبان رهبرلری بیلن "کمپ داوید" ده بولیب اوتیشی ریجه لنگن یشیرینچی اوچره شوولرنینگ کنسل قیلینگن لیگینی بیان ایتگن ایدی.

طالبان گروهی جون اییده هم چین گه سفر اویوشتیریب بارگن ایدی.