کانادا ده اسلام گه مخالف کاندید حزب دن هیده ب یوباریلدی

کانادا ده 21 اکتوبرده بولیب اوته دیگن سیلاو لر دایره سیده, یَشیل حزبی دن کاندید بولگن اِریک شومان, اجتماعی ترماق آرقه لی مقدس اسلام دینی گه حقارت قیلگن لیگی اوچون حزبی دن هیده ب یوباریلدی. 

یشیل حزبی تامانیدن سیمکو شهریدن فدرال پارلمان وکیل لیگی اوچون کاندید بولگن اریک شومان, اجتماعی ترماق آرقه لی ترقتگن پیامیده پیشیریلگن چوچقه گوشتی نینگ قالگن قسمی نی شریک قیلگن ایدی. 

شومان, اوشبو پیامیده "چوچقه دن قالگن قسم نی, محمد نینگ کاریکاتوری گه اعتراض بیلدیرگن لر اوچون دنمارککه یوباردیک" دییه قید ایتگن ایدی.

شومان نینگ اوشبو پیامی نی, یشیل حزبی نینگ رهبری ایلیزابیت می گه بیلدیرگن کانادا مسلمان لری ملی کینگشی نینگ باشلیغی مصطفی فاروق, اسلام, مسلمان لر و حضرت محمد گه قیلینگن اوشبو حرمت سیزلیک اوچون کیره کلی قدم لرنینگ تشله نیشی نی طلب ایتدی. 

شونده ی قیلیب یشیل حزبی نینگ رهبری می, اریک شومان نینگ اوشبو قیلمیشی سببلی حزب دن هیده ب یوباریلگن لیگی نی بیلدیردی.