بیرلشگن ملتلر تشکیلاتی باش منشیسی افغانستان بوییچه بیر راپور تیارلب تقدیم ایتدی

بیرلشگن ملتلر تشکیلاتی باش منشیسی انتونیئو گوترز، افغانستان حکومتی و خلق ارا کوچلر تامانیدن آلیب باریلگن عملیاتلر دوام ایتیب تورگن حالده ترور تشکیلاتی داعش نینگ اوزینی تقویه قیلیب بارگن لیگینی بیلدیردی.

گوترز بیرلشگن ملتلر تشکیلاتی نینگ خوفسیزلیک کینگشیده تقدیم ایتگن راپوریده، جولای آیی نینگ اورته سیده سپتامبر آیی نینگ باشی گچه افغانستانده ترور تشکیلاتی داعش آرقه لی 183 حادثه نینگ عملگه آشیریلگن لیگینی، بونینگ 2018 – ییل نینگ خوددی شو دوریده 93 حادثه ایکن لیگینی قید ایتدی و ترور تشکیلاتی داعش نینگ اوزینی تقویه قیلیب بارگن لیگی گه دقت قره تدی.

گوترز، امریکا قوشمه ایالتلری بیلن طالبان اورته سیده گی تینچ لیک مذاکره لری نینگ تینچ لیک اورنه تیلیشی اوچون کوپه یگن منطقوی کیلیشوو فعالیتلری بیلن یقین پیتده رسمی بیر تینچلیک جریانی نینگ باشله ییشی بوییچه احتیاطلی بولسه هم قانیقرلی ایکن لیگینی بیلدیردی. عین حالده تینچلیک جریانی نینگ "کینگ مصالحه اساسیده" برچه افغانستان خلقی نینگ حقلرینی محافظه قیلیش و کینگ کولملی بیر شکلده اوز ایچیگه آلگنده پایدار بولیشی ممکن ایکن لیگینی قید ایتدی.

باش منشی کوترز، طالبان بیلن افغانستان حکومتی اورته سیده مستقیم اوچره شوولر بولیشینی تاکییدله دی.

مذکور راپورده، افغانستانده 28 سپتامبرده بولیب اوتیشی ریجه لنگن جمهور رئیس لیک سیلاوی بیلن تیگیشلی خطر و تهدیدلرگه هم تماس قیلگن گوترز، طالبان بیلن ایریم قوراللی گروهلرگه "سیلاو ملازیملری، کاندیدلر و سیلاوچیلرنی تهدید ایتیشدن وازکیچیشلری" بوییچه چقیریق عملگه آشیردی.