امریکا بیلن طالبان گروهی اورته سیده توزیلگن کیلیشوونینگ ماده لری یوزه گه چیقدی

امریکا قوشمه ایالتلری بیلن طالبان گروهی اورته سیده بولیب اوته یاتگن اوچره شوولر نتیجه سیده بیر کیلیشوو توزیلگن لیگی بونگه کوره افغانستانده گی امریکالیک مینگلب عسکرنینگ چیقیشی ریجه لنگن لیگی یوزه گه چیقدی.

واشنگتن پُست امریکالیک مسؤللرنی منبع کورساتیب بیرگن خبریده، توزیلگن کیلیشووگه بناً، ترامپ اداره سی نینگ آتش کیسین و القاعده دن واز کیچیشی قاله ویرسه طالبان تامانیدن بیریله دیگن بیر قطار امتیازلرگه قرشی مینگلب امریکالیک عسکرینی افغانستاندن آلیب چیقیشنی ریجه له گن لیگی بیلدیریلدی.

توزیلگن اوشبو کیلیشووده طالبان گروهی نینگ افغانستان حکومتی بیلن کینگ کولملی تینچ لیک کیلیشووی اوچون مذاکره قیلیش شرطی عین دمده امریکا قوشمه ایالتلری عسکر سانی نینگ 14 مینگدن 8 الی 9 مینگ نفرگه توشیریلیشی هم اورین آلماقده.   

توزیلگن کیلیشوونینگ امریکا قوشمه ایالتلری افغانستان بوییچه نماینده سی زلمی خلیلزاد بیلن طالبان گروهی اورته سیده آیلب مدتدن بیری بولیب اوتگن اوچره شوولر دوامیده توزیلگن لیگی بونینگ سونگی شکلی نینگ سپتامبر آییده گی افغانستان سیلاویدن آلدین تمالنیب توزیله جگی قید ایتیلدی.

بو کیلیشوونینگ قبول بولیب چیقیشی تقدیرده افغانستانده گی حرب نینگ توخته تیلیشی اوچون اینگ مهم ادیم بوله جگی افاده ایتیلماقده.

آتلری نینگ افشا بولیشینی خواهله مه گن افغانستان حکومتی اداره چیلری، توزیلگن بو کیلیشوونینگ امریکا قوشمه ایالتلری عسکرلری نینگ کمه ییشینی اوز ایچی گه آلگن لیگینی بیراق سانی و چیقیش تقویمی حقیده معلوماتلری بولمه گنینی معلوم قیلماقده لر. پینتاگون معلوم قیلیشیچه، افغانستانده اوروش باشنگن 2001 – ییلیدن بیری 2 مینگ 400 نفر امریکالیک عسکر اولگن 20 مینگدن آرتیق عسکر یره لنگن.