اردن بیلن قطر اورته سیده گی مناسبت لر یخشیلنماقده
ایککی ییل آلدین اردن بیلن قطر اورته سیده گی دیپلماتیک مناسبت لر جوده هم یامانله شیب قالگن ایدی
اردن, قطر گه ایلچی ایتیب تعینله نه دیگن کیشی نی انیقله دی. ایککی ییل آلدین قطر بیلن اردن اورته سیده گی دیپلماتیک مناسبت لر سویه سی توشیریلگن ایدی.
اردون وزیرلر کینگشی نینگ, تشقی ایش لر وزیرلیگی عمومی سکرتری زید الوزی نینگ دوحه ایلچی سی ایتیب تعینله نیشی گه قرار قیلگن لیگی بیلدیریلدی.
پادشاه تامانیدن تصدیقله نیشی تقدیرده, زید الوزی نینگ اردن نینگ دوحه ایلچیسی ایتیب تعینله نه دیگن لیگی معلوم قیلیندی.
اردن, 2017- ییل جون آییده باشله گن کورفز بحرانی آرتیدن دوحه بیلن بولگن دیپلماتیک مناسبت لری سویه سی نی توشیررایکن, مرکزی قطرده بولگن الجزیره تلویزیونی نینگ محللی دفتری نی یاپه دیگن لیگی نی بیلدیرگن ایدی.
سعودی عربستان, بیرلشگن عرب امیرلیک لری, بحرین و مصر نینگ هم 5 جون ده قطر بیلن بولگن دیپلماتیک مناسبت لری نی توخته تیب قویگن لیگی و اقتصادی تحریم تطبیق قیلیشی نتیجه سیده کورفز منطقه سیده بحران باشله گن ایدی. کویت ایسه اوشبو بحران نینگ ییچیلیشی اوچون واسطه چیلیک قیلیش گه حرکت قیلگن ایدی.
