افغانستان ده ایککی نفر امریکالیک حربی حیاتینی یوقاتدی
اوشبو حربی لرنینگ افغانستان نینگ قییریده حیاتینی یوقاتگن لیگی حقیده معلومات بیریلمه دی
افغانستان ده ناتو دایره سیده فعالیت آلیب باریاتگن ایککی نفر امریکالیک حربی هلاک بولدی.
افغانستان ده گی ناتو تامانیدن بیریلگن بیاناتده, اوشبو حربی لرنینگ اسم لری و افغانستان نینگ قییریده هلاک بولگن لیک لری حقیده معلومات بیریلمه دی.
طالبان گروهی ایسه, میدان وردک ولایتی نینگ سید آباد تومنیده هجوم اویوشتیرگن لیک لری نی بیلدیررایکن, اوشبو حادثه عاقبتیده ایککی نفر امریکا لیک حربی نینگ جان بیرگن لیگی نی معلوم قیلدی.
عینی دمده توناوکون کوتیلمه گن بیر سفر بیلن پایتخت کابل گه تشریف بویورگن امریکا قوشمه ایالتلری تشقی ایشلر وزیری مایک پمپئو, افغانستان جمهوررئیسی محمد اشرف غنی بیلن اوچره شگن ایدی.
پمپئو, کیلگوسی 3 آی مابینیده اوشبو مذاکره لر دایره سیده کیلیشیلیب آلینیشی نینگ کوتیلیاتگن لیگی نی معلوم قیلگن ایدی.
افغانستان ده ناتو دایره سیده وظیفه اجرا قیلیاتگن 14 مینگ امریکالیک حربی موجود.
