ترور تشکیلاتی داعش گه قتتیق ضربه اوریلدی

عراق نینگ کرکوک ولایتیده اویوشتیریلگن بیر عملیات نتیجه سیده ترور تشکیلاتی داعش گه منسوب 14 نفر ترورچی یوق قیلیندی. 

عراق مدافعه وزیرلیگی تامانیدن بیریلگن یازمه بیاناتده, کرکوک ده اویوشتیریلگن بیر عملیات نتیجه سیده ترور تشکیلاتی داعش گه منسوب 14 نفر ترورچی نینگ یوق قیلینگن لیگی و داعش نینگ کتته قوماندان لریدن بیری نینگ ایسه اوشلنگن لیگی بیلدیریلدی. 

اوشبو عملیات گه عراق هوایی کوچ لری نینگ اوروش طیاره لری نینگ هم اشتراک قیلگن لیگی معلوم قیلیندی. 

بیاناتده, کرکوک ولایتی نینگ مرکزیده گی وحده منطقه سیده اویوشتیریلگن عملیات نینگ ایککی کون دوام ایتگن لیگی و اوشبو عملیات نتیجه سیده ترور تشکیلاتی داعش نینگ کوپ مقدارده سلاح و مهماتی بیلن اسنادی نینگ قولگه کیریتیلگن لیگی بیلدیریلدی. 

بغداد رهبریتی 2017 – ییل دسامبر آییده اوشبو اولکه نینگ ترور تشکیلاتی داعش دن بوتونلی تصفیه قیلینگن لیگی نی بیلدیرگن ایدی.