تورکستان ده انفجار حادثه سی یوز بیردی

قزاقستان نینگ تورکستان ولایتیده مهمات دیپوسیده انفجار حادثه سی یوز بیردی.

پارتلش آرتیدن یوز بیرگن یانغین حادثه سی عاقبتیده 11 کیشی نینگ یره لنگن لیگی بیلدیریلدی. 

قزاقستان جمهوررئیسی قاسم جومرت توکایف, اجتماعی ترماق آرقه لی بیرگن بیاناتیده, کیره کلی تدبیر لر نینگ آلینیشی اوچون مدافعه وزیرلیگی و ایچکی ایش لر وزیرلیگی گه بویوروق بیرگن لیگی نی بیلدیردی. 

توکایف, "انسان لرنینگ خوفسیزلیگی نینگ اورنه تیلیشی و انفجار نینگ سببی نینگ تیکشیریلیشی کیره ک" دییه قید ایتدی.

منطقه ده اضطراری حالت اعلان قیلیندی. 

مدافعه وزیری نورلان یرمیکبایف, حادثه محللی نی کوریب چیقدی. 

مدافعه وزیرلیگی اورینباسری باقیت قربانبایف هم, وزیرلیک تامانیدن قوریلگن کمیسیون نینگ منطقه گه جونه تیلگن لیگی نی معلوم قیلیب, قوراللی کوچ لری نینگ خاص تیمی نینگ منطقه ده امنیت نی تامین ایتگن لیگی نی بیلدیررایکن, "انسان لرنینگ قورقمسدن کورسه تیلگن امنیت جای گه کیتیشی نی طلب ایتماقده میز" دییه قید ایتدی.