ایککی قشلاقده قوراللی کیشی لرنینگ هجومی عاقبتیده کمیده قیرق بیر کیشی جان بیردی

مالی ده قوراللی کیشی لرنینگ ایککی قشلاققه گه حمله قیلیشی نتیجه سیده کمیده 41 کیشی هلاک بولدی. 

فرانس 24 تلویزیونی دوشنبه کونی مالی نینگ مرکزیده گی یورو و گانگافانی قشلاق لری گه کیم ایکن لیک لری انیقلنمه گن قوراللی کیشی لر تامانیدن اویوشتیریلگن هجوم عاقبتیده کمیده 41 نفر نینگ جان بیرگن لیگی نی بیلدیردی. 

جان بیرگن کیشی لرنینگ کوپچیلیگی نینگ دوگون ملیتی گه منسوب ایکن لیک لری معلوم قیلیندی.

دوگون و فولانی ملیت لری اورته سیده گی توقنه شوو لر نتیجه سیده حاضرگی کونگه قدر یوزلب کیشی نینگ جان بیرگن لیگی بیلدیریلماقده. 

جاری آی نینگ اونینچی کونیده هم دوگون لرنینگ یشیاتگن بیر قشلاققه اویوشتیریلگن قوراللی هجوم عاقبتیده کمیده 95 کیشی جان بیرگن ایدی. 

مالی نینگ شمالی و اورته قسم لریده 2012- ییلدن بیری ایریلیقچی توقنه شوو لر یوز بیررایکن, خوددی شوو منطقه ده تروریستی هجوم لر اویوشتیریلماقده. 

فرانسه نینگ مالی ده گی 4 مینگ عسکری و بیرلشگن ملت لر تشکیلاتی ییتکچیلیگیده قوریلگن 15 مینگ کیشی لیک تینچلیک نی سقلش کوچی, حاضرگی کونگه قدر خوفسیزلیک بیلن علاقه لی تهدید لر نی یوق قیله آلمه گن.