سعودی عربستان نینگ خلق ارا هوا قونلغه سی گه راکتی هجوم اویوشتیریلدی

سعودی عربستان, جنوبده گی خلق ارا ابها هوا قونلغه سی گه قره ته یمن ده گی حوثی لر تامانیدن اویوشتیریلگن راکتی هجوم عاقبتیده چیت ایللیک 26 کیشی نینگ یره لنگن لیگی نی بیلدیردی. 

سعودی عربستان نینگ رسمی خبر آژانسی SPA نینگ خبری گه کوره, سعودی عربستان ییتکچیلیگیده گی ائتلاف نینگ سوزچیسی ترکی المالکی, حوثی لرنینگ محللی وقت بیلن کیچه ساعت 2 دن 21 دقیقه اوتگنده خلق ارا ابها هوا قونلغه سی گه قره ته راکتی هجوم اویوشتیرگن لیگی نی بیلدیرگن. 

حوثی لرنینگ هوا قونلغه سی نینگ مینگلب عادی اهالی نینگ اوتیاتگن دخولی قسمی نی اورگن لیگی نی بیلدیرگن المالکی, خوددی شوو حادثه عاقبتیده چیت ایللیک 26 کیشی نینگ یره لنگن لیگی نی معلوم قیلدی. 

عینی دمده حوثی لر هم اوشبو هوا قونلغه سی گه راکت آتگن لیگی نی بیلدیردی. 

حوثی لرنینگ المسیره تلویزیونی اوشبو راکت نینگ هدف گه باریب تیکگن لیگی نی معلوم قیلدی.

یمن ده گی حوثی لر, 2014 – ییلی سپتامبر آیی دن بیری پایتخت صنعا داخل ایریم منطقه لر نی باشقرماقد.

سعودی عربستان ییتکچیلیگیده گی کوچ لر ایسه 2015- ییلی مارچ آییدن بیری حوثی لر گه قرشی یمن حکومتی نی قوللب- قُوَتلَب کیلماقده.