انگلستان, روسیه نی سایبری هجوم بیلن عیبله دی

انگلستان تشقی ایش لر وزیری جرمی هانت, روسیه استخباراتی نی, کوپلب اولکه لرده سایبری هجوم اویوشتیریش بیلن عیبله دی. 

هانت, انگلستان پایتختی لندن ده بولیب اوتگن ناتو سایبر مدافعه تعهد لری کنفرانسی جریانیده معروضه قیلدی. 

روسیه نینگ, سایبری هجوم لر بیلن اوکراین و امریکا قوشمه ایالتلریده گی سیلاو پروسه سی گه اره له شیش گه حرکت قیلگن لیگی نی معلوم قیلگن هانت, "باشقه بیر اولکه نینگ سیلاو سیستمی گه اره له شیش و نتیجه نی اوزگرتیش گه حرکت قیلیش نینگ خلق ارا حقوققه ضد ایکن لیگی و بونگه جواب قیتریلیشی کیره ک ایکن لیگی خصوصیده کیلیشیب آلیشی میز شرط" دییه قید ایتدی. 

بونده ی فعالیت لرنینگ "متفق لرنینگ بیری گه قرشی قیلینگن ایش نینگ همه متفق لر گه قیلینگن" لیگی گه تیگیشلی ناتو نینگ 5 – ماده سی دایره سیده بهالنتیریلیاتگن لیگی نی معلوم قیلگن هانت, خوددی شوو ماده دن فایده له نیلیشی کیره ک ایکن لیگی نی بیلدیردی. 

اوتگن ییلده سابق روس جاسوس سرگی سکریپل نینگ انگلستان توپراق لریده کیمیاوی هجوم گه دوچ کیلیشی آرتیدن روسیه بیلن انگلستان اورته سیده گی مناسبت لر انچه بوزیلیب قالگن ایدی.