پوتین، مکرون و مرکل نینگ اوچره شووی بولیب اوتدی

روسیه دولت باشلیغی ویلادیمیر پوتین، فرانسه جمهور باشلیغی ایمانوئیل مکرون و آلمان باش وزیری انگیلا مرکل بیلن سوریه، اوکراین و ایران موضوعلری بوییچه گپیردی.

دولت رئیس لیک (کرملین) دن بیریلگن بیاناتده،  پوتین نینگ مکرون و مرکل بیلن تیلفون آرقه لی اوچره شگن لیگی بیلدیریلدی.

"مذکور اوچره شووده سوریه موضوعسی مطرح بولدی. پوتین سوریه نینگ شمال – غرب تامانیده گی وضعیت گه ییچیم تاپیش تینچ اهالینی قوریقلش و ترور خطرینی یوق قیلیش اوچون تورکیه بیلن مشترک آلینگن چاره – تدبیرلر توغریسیده معلومات بیردی" دیب ایتیلگن.

بو بیاناتده، اساسی قانون کمیته سی نینگ ایجاد ایتیلیشی و سوریه ده گی بحران نینگ بیرلشگن ملتلر تشکیلاتی خوفسیزلیک کینگشی نینگ 2254 – قراری گه بناً ییچیم تاپیش اوچون تماسلرنینگ برقرار بولیشی کیره ک لیگی اورغولنگن.

اوکراین بحرانی گه مینسک کیلیشووی دایره سیده ییچیم تاپیلیشی گه دقت قره تیلگن.

ایران هسته ای کیلیشوونینگ دوام ایتیشی کیره ک لیگی گه اشاره قیلینگن خوددی شو اوچره شوولرده "روسیه، فرانسه و آلمان نینگ ایران بیلن تجارت و اقتصاد ساحه لریده همکارلیگی گه دوام ایتیشلری اورغولندی" دیب تذکر بیریلگن.

بو اوچره شووده تامانلرنینگ تورلی سویه لرده تماسلرنینگ دوام ایتتیریلیشی توغریسیده کیلیشیب آلگن لیکلری بیلدیریلدی.