میانمارده توقنه شوو یوز بیردی

میانمارده اردوسی بیلن اراکان ایالتیده مستقل لیک طلبی بیلن قوراللی هجوملر اویوشتیرگن بودیست اراکان اردوسی گروهی اورته سیده توقنه شوو یوز بیردی. اوشبو توقنه شووده 1 قیز باله حیاتینی یوقاتدی 3 ایسه یره لندی.

امنیت مسؤلی مائونگ مائونگ سوئئ، کیائوک قصبه سی نینگ میائوک تایونگ قشلاغیده اراکان اردوسی گروهی بیلن عسکرلر اورته سیده توقنه شوو روی بیرگن لیگینی بیلدیردی.

خوددی شو توقنه شووده باشی گه اوق اصابت قیلگن 10 یاشده بیر قیز باله نینگ حیاتینی یوقاتگن لیگینی 3 کیشی نینگ ایسه یره لنگن لیگینی معلوم قیلدی.

اردو سوزچیسی بو توقنه شوونینگ اراکان اردوسی گروهی اعضالری نینگ عسکری قطارگه قرشی کمین آلیب اوریشی نینگ ارتیدن یوز بیرگن لیگینی قید ایتدی.

میانمار اردوسی، جنوری آییده 13 پولیس اولیب 9 ته سی یره لنگن هجوم نینگ آرتیدن اراکان اردوسینی تروریست ایتیب اعلان قیلگن ایدی.

مذکور ایالتده توقنه شوولر باعث 30 مینگدن آرتیق بودیست تینچ اهالی نینگ اوی جاییدن بدرغه بولیب کیتگن لیگی افاده ایتیلماقده دیر.