نایجریاده تینچ اهالی گه قره ته هجوم اویوشتیریلدی

نایجریانینگ شمال – غربیده اویوشتیریلگن قوراللی هجوم عاقبتیده 20 کیشی حیاتینی یوقاتدی.

زمفره ایالت اداره کمیته سی باشلیغی انس عیسی، ایالت نینگ بیر قطار قشلاقلریده موتر سایکیل لیک کیشی لر تامانیدن اوق اوریلگن لیگینی بیلدیردی.

عیسی، مذکور هجوملرده 20 کیشی نینگ حیاتینی یوقاتگن لیگینی، انچه کیشی نینگ آغیر یره لنگن لیگینی، انچه حیوان نینگ تلف بولیب انچه اوی – جای نینگ یانیب کیتگن لیگینی افاده ایتدی.

باشقه تاماندن کستینا ایالتی پولیس اداره سی سوزچیسی گمبو ایساح، مذکور منطقه گه خوفسیزلیک کوچلری نینگ سوق ایتیلگن لیگینی و حادثه بیلن تیگیشلی تیکشیروو باشله تیلگن لیگینی اعلان قیلدی.

بو منطقه ده وقت وقتی بیلن چوپانلر بیلن دهقانلر اورته سیده توقنه شوولر یوز بیرماقده.

حیوانلرینی اوتلتیش اوچون مملکت نینگ جنوبیده کوچ قیلیب بارگن فُلانیلر، دهقانلرنینگ حیوانلرینی اوغیرلش گه حرکت قیلگن لیکلرینی و اوزلریگه هجوم اویوشتیرگن لیکلرینی ادعا ایتماقده لر.

قوراللی گروهلر بو توقنه شوولردن فایده لنیب هجوملر اویوشتیرماقده لر و منطقه خلقینی اسیر آلماقده لر.