ترامپ آق اویده افطار ترتیب بیردی

امریکا قوشمه ایالتلری دولت باشلیغی دونالد ترامپ، رمضان آیی مناسبتی بیلن آق اویده افطار ترتیب بیردی.

اوشبو افطار پروگرامی گه مسلمان اولکه لرنینگ پایتخت واشنگتن ده گی دیپلوماتیک نماینده لری قتنشدی.

تورکیه نینگ واشنگتن بویوک ایلچیسی سردار قیلیچ هم افطار پروگرامی گه اورین آلدی.

دونالد ترامپ افطار آلدی بیر صحبت عملگه آشیریب، رمضان آیی نینگ مسلمانلر اوچون دییرلی بیرلشتیرووچی ایکن لیگینی افاده ایتدی.

ترامپ "برچه مسلمانلر رمضان آیینی کوتیب آلگن بو خاص زمانده، آق اویده افطار پروگرامیده میزبانلیک قیلیش مین اوچون کتته شرف دیر" دیب ایتدی.

امریکا قوشمه ایالتلریده 2016 – ییلی گچه 20 ییلدن بیری دولت باشلیغلری تامانیدن عنعنوی بیر شکلده افطار ترتیب بیریلماقده ایدی.

بیراق دونالد ترامپ 2017 – ییلی 20 جنوریده دولت باشلیغی ایتیب سیله نیشیدن کیین بیرینچی رمضانده افطار پروگرامی اویوشتیرمه گن ایدی. فقط اوتگن ییلگی رمضانده افطار ترتیب بیریب میزبانلیک قیلگن ایدی.

ترامپ دولت باشلیغی ایتیب سیلنگن پیتیده مسلمانلرگه قره ته عملی قیلگن ویزه ممانعتی کبی آدیملری باعث هم امریکا قوشمه ایالتلری همده خلق ارا مقیاسده کتته اعتراض لرگه دوچ کیلگن ایدی.