کنگو دموکراتیک جمهوریتیده ابولا کسل لیگی باعث یوزلب کیشی حیاتینی یوقاتدی

کنگو دموکراتیک جمهوریتیده اوتگن ییلی جولای آییده باشلنگن ابولا کسل لیگی عاقبتیده 564 کیشی نینگ اولگن لیگی بیلدیریلدی.

کنگو دموکراتیک جمهوریتی ساغلیقنی سقلش وزیرلیگی تامانیدن یایینلنگن راپورگه کوره، شمالی کیفو ویلایتیدن باشلب ایتوری ایالتی گه ییره ب بارگن خوددی شو کسل لیک بیلن قانش و تب شکایتی باعث 1 مینگ 9 کیشی مراجعه قیلینگن. بولردن 944 نفرگه ابولا کسل لیگی تشخیص قیلینگن.

میلادی 2018 – ییلی جولای اییدن بیری بو کسل لیک که یولیققن کیشی لردن 564 ته سی حیاتینی یوقاتر ایکن، 59 کیشی نینگ تداویسی دوام ایتماقده. بولردن 321 ته سی ساغه لیب کیتگن.

باشقه تاماندن ترقه تیلگن راپورلرگه کوره، ابولا کسل لیگی تشخیص قیلینمه گن 65 کسل قانش و تب باعث جان بیرگن لیگی معلوم قیلیندی.

مذکور منطقه ده 2018 – ییلی 8 – اگستده باشله تیلگن کمپاین چوکاتیده 91 مینگ 826 کیشی واکسین قیلندی.

ابولا کسل لیگی اولاً بار 1976 – ییلی سودان نینگ نظره و کنگو دموکراتیک جمهوریتی نینگ یمبوکو شهرلریده عین وقتده پیدا بولگن ایدی. کنگو دموکراتیک جمهوریتیده گی بو کسل لیک ابولا دریاسی نینگ یقینیده گی بیر قشلاقده باشله گن لیگی باعث بو کسل لیک که خوددی شو دریانینگ آتی بیریلگن دیر.

ابولا کسل لیگی 2013 – ییلی غربی افریقاده یاییلیب کیتگندی. افریقانینگ بیر قطار مملکتلریده 2014 – 2017 ییللری آره سیده 30 مینگ کیشی بو کسل لیک که یولیقر ایکن 11 مینگدن آرتیق کیشی اولگندی.