انرژی بوییچه جهان نینگ اینگ کتته اسلامی بانکی قوریلدی

قطرده بیر شرکت, انرژی بوییچه جهان نینگ اینگ کتته اسلامی بانکی نینگ قوریلگن لیگی نی معلوم قیلدی. 

قاف شرکتی نینگ باشلیغی حمید بن احمد السویدی, بوگون پایتخت دوحه ده بولیب اوتگن ییغیلش جریانیده بیرگن بیانات لریده, اوشبو بانک نینگ انرژی و مالی ایش لر بوییچه فعالیت آلیب باره دیگن جهان نینگ اینگ کتته اسلامی بانکی دن عبارت ایکن لیگی نی بیلدیردی.

السویدی, اوشبو بانک نینگ خلق ارا انرژی پروژه لری نی تمویل قیلیش اوچون 10 میلیارد دالر سرمایه گه ایگه ایکن لیگی نی معلوم قیلدی. 

ینگی قوریلگن بانک نینگ رئیسی هم بولگن السویدی اوشبو بانک نینگ جاری ییل نینگ اونینچی آییدن باشلب فعالیت قیله باشلیدیگن لیگی نی بیلدیردی. 

قطرده کونده 650 مینگ بیرل پطرول تولید قیلینماقده.