امریکانینگ افغانستان تینچ لیک پروسه سی بوییچه پلانی مطبوعات گه نشر بولیب چیقدی

امریکا قوشمه ایالتلری مدافعه وزیرلیگی (پینتاگون) نینگ افغانستانده اقتدارنی طالبان بیلن کابل حکومتی اورته سیده پایلشووچی تینچ لیک پلانی نینگ بعضی بیر ماده لری مطبوعاتده اورین آلدی.

پینتاگون تامانیدن اروپا مملکتلریگه بیریلگن افغانستان تینچ لیک پلانیده، امریکا عسکرلری نینگ 5 ییل دوامیده مملکتنی ترک ایتیب چیقیشی کوزگه توتیلگن لیگی ادعا ایتیلدی.

نیویورک تایمز روزنامه سی نینگ امریکالیک و اروپالیک مسؤللرگه تیانتیریب بیرگن خبریده، اوشبو پلان چوکاتیده امریکا قوشمه ایالتلری نینگ کیلگوسی آیلرده افغانستانده گی 14 مینگ اطرافیده گی عسکری نینگ یرمینی آلیب چیقه جگی تذکر بیریلماقده.

بو پلانگه کوره افغانستانده گی 8 مینگ 600 متفق کوچ ناتو باشچیلیگیده افغانستان اردوسینی تربیه لش گه دوام ایتیشی و مملکتده قاله دیگن ایریم امریکالیک عسکرلر فقط تروریزم گه قرشی کوه ش بوییچه آلیب باریله دیگن عملیاتلرده اورین آلیشی ریجه لنماقده.

مذکور پلان نینگ واشنگتن و اروپاده کینگ بیر گروه تامانیدن حمایه قیلینگن لیگی ادعا ایتیلگن حالده، پینتاگون سوزچیسی کونه فاولکنر "بو توغریده حلی گچه بیر قرار آلینگن ایمس"دیدی.

امریکا قوشمه ایالتلری دولت باشلیغی دونالد ترامپ، دسامبر آییده افغانستان، عراق و سوریه نی اشاره قیلیب، اولکه سی نینگ "سونگسیز اوروشلردن" قول ترته جگینی ایتگن ایدی.