ترامپ گه قرشی کودتا تشبثی ادعاسی

امریکا قوشمه ایالت لری دولت رهبری دونالد ترامپ, اف بی آی و عدلیه وزیرلیگی نینگ اونی ایشدن بوشه تیش اوچون ایریم اوچره شوو لر اوتکزگن لیگی توغریسیده گی ادعا لر گه تویتر آرقه لی "قانونی ایمس و خائنانه بیر تشبث دن عبارت" دییه جواب قیتردی. 

ترامپ, اوشبو پیامیده, امریکا نینگ فوکس نیوز تلویزیونی مجری سی دان دونگینو نینگ "بو, امریکا قوشمه ایالتلری دولت رهبری گه قره تیلگن ناقانونی بیر کودتا تشبثی دن عبارت ایدی" شکلیده گی سوز لری گه اورین اجره تدی.

ترامپ تویتر آرقه لی بیرگن بیاناتیده, اوشبو سوز لرنینگ سونگگی گه ایسه "هه توغری" دییه قید ایتدی. 

شونده ی قیلیب ترامپ اوزیگه قرشی کودتا تشبثی نینگ بحث موضوعی بولگن لیگی نی ایما ایتگن بولدی. 

ترامپ, اف بی آی نینگ سابق اورینباسری اندرو مک کیب نینگ امریکا نینگ سی بی اس تلویزیونی بیلن قیلگن مصاحبه سی آرتیدن بونده ی بیر بیانات بیردی. 

مک کیب, عدلیه وزیری اورینباسری راد روزنستاین نینگ 2017 – ییلیده کابینه نینگ ایریم اعضالری بیلن اوچره شگن لیگی و خوددی شوو ملاقات دایره سیده ترامپ نینگ ایش نینگ اهلی ایمس لیگی تقدیرده ایشدن بوشه تیلیشی توغریسیده اساسی قانون نینگ بیر ماده سی باره سیده بحث قیلینگن لیگی نی ادعا قیلدی. 

روزنستاین ایسه اوشبو ادعا لر نی رد ایتدی. 

عینی دمده امریکا قوشمه ایالتلری سنا مجلسی عدالت کمیسیونی باشلیغی لیندسی گراهام, ترامپ نینگ ایشدن بوشه تیلیشی بوییچه قیلینگن ادعا لر توغریسیده تیرگاو باشله تیله دیگن لیگی نی بیلدیردی.