طالبان امریکا بیلن بولگن مذاکره لرینی توخته تیب قویدی
اوشبو مذاکره لرنینگ چهارشنبه کونی قطرده باشلشی کوتیلماقده ایدی
طالبان گروهی جاری هفته ده قطرده بولیب اوتیشی کوتیلگن امریکا قوشمه ایالتلری رسمی لری بیلن بولگن مذاکره لرینی توخته تیب قویدی.
طالبان گروهی افغانستانده تینچلیک نینگ اورنه تیلیشی بیلن علاقه لی اوشبو مذاکره لرنی آجندا بوییچه کیلیشمووچیلیک لر سببلی توخته تیب قویگن لیگی نی بیلدیردی.
ایککی کون دوام ایتیشی کوتیلگن اوشبو مذاکره لرنینگ پایتخت دوحه ده بولیب اوتیشی گه قرار قیلینگن ایدی.
طالبان گروهی اوشبو مذاکره لر گه کابل رهبریتی دن هیچ بیر نماینده نینگ اشتراک قیلمس لیگی کیره ک ایکن لیگی نی بیلدیرماقده.
شونده ی قیلیب طالبان فقط گینه امریکا قوشمه ایالت لری نی مخاطب صفتیده قبول قیلیاتگن لیگینی معلوم قیلماقده.
آلدین خوددی شوو مذاکره لرنینگ سعودی عربستانده بولیب اوتیشی گه قرار قیلینگن ایدی. لیکن ریاض رهبریتی نینگ مذاکره لرگه افغانستان دولتی نماینده لری نینگ هم اشتراک قیلیشی نی طلب قیلگن لیگی سببلی طالبان اوشبو مذاکره لرنینگ قطرده بولیب اوتیشی گه قرار قیلگن ایدی.
