اتریشده نیلون توربه دن ایش آلیش منع قیلینه دی

اتریشده نیلون توربه لرنی کمه یتیریش و اطرافنی سقلش مقصدی بیلن 2020 – ییلی دن باشلب نیلون توربه بوتونله ی منع قیلینه دی.

باش وزیر سبستیان کُرز، پایتخت وینده بیر قطار وزیر، سوداگرلر و مدنی جامعه جمغرمه لری نینگ نماینده لری اوتکزگن اوچره شوونینگ آرتیدن اویوشتیریلگن مطبوعاتی کنفرانسده گپیردی.

کُرز، حکومت اوله راق پلاستیک ویا نیلون اخلاتلرنی کمه یتیریش و "استفاده قیلیب تشلش" گه مانع بولیش اوچون بیر بار ایش آلووچی (یک بار مصرف) توربه لرنی منع قیلووچی قرارنینگ آلگن لیکلرینی ایتدی.

اطرافنی سقلش و توریزم وزیری الیزابت کوستینگر ایسه نیلون توربه لرنینگ منع قیلیش قراری بیلن استفاده قیلیب آتیب تشلش جمعیتی نینگ پیدا بولیشی گه قرشی کیچیک لیکن مهم بیر آدیم آتگن لیکلرینی افاده ایتدی.

کوستینگر، مملکت بویلب 400 میلیون اطرافیده نیلون توربه استفاده قیلینگن لیگینی بونینگ 7 مینگ تُن گه ماس کیلگن لیگینی معلوم قیلیب، "بیز اوچون مهم بولگن بیر بار استفاده قیلیب تنشلنگن توربه لر اورنیده قیته دن ایش الینه دیگن موادلردن توزه تیلگن توربه لردن ایش آلیشنی رواجلنتیریش دیر" دیدی.

نیلون توربه نی 2020 – ییلیدن باشلب منع بوله جگینی ایتگن کوستینگر، یونینگ عملی بولیشی اوچون تورلی چاره – تدبیرنینگ آلینه جگینی معلوم قیلدی.

مملکتده گی بیر قطار پرچون ساتووچی مارکیتلر بو قرارگه ناراضی چیلیکلرینی بیلدیردیلر.