هندوستانده چوکیب کیتگن معدن نینگ ایچیده گی ایشلاوچیلردن حلی گچه خبر یوق

هندوستان نینگ شمال – شرق تامانیده ایککی هفته آلدین سیل حادثه سی باعث چوکیب کیتگن معدنده قالگن 15 کیشی ایشچیدن حلی گچه خبر آلینگن ایمس.

مگالایا ایالتی آفت اداره سی وزیری کیرمن شیلا، 13 نوامبرده گی فلاکتده چوکیب کیتگن معدنده قالگن ایشچیلر اوچون قوتقروو و قیدیروو فعالیتی نینگ دوام ایتیب تورگن لیگینی معلوم قیلیب، معدن نینگ ایچیده سوو سویه سی نینگ کون سایین کوپه ییب بارگن لیگینی شو اوچون فعالیتلرنینگ استه – سیکین دوام ایتیشی گه سبب بولگن لیگینی قید ایتدی.

معدنچیلرنینگ حیات گه قالیش احتمالی نینگ کون سایین کمه ییب بارگنینی اشاره قیلگن شیلا، مگالایا ایالتی نینگ هندوستان حکومتیدن یاردم طلب ایتگنینی ایتدی.

بوندن ایککی هفته مقدم شدتلی یاغیشلر باعث یوز بیرگن سیل حادثه سیده East Jaintia Hills منطقه سیده جایلشگن کومیر معدنی نینگ بیر قسمی چوکیب کیترکن 15 کیشی معدنچی ایچیده قالگن ایدی.

قاچاق معدن چیلیک فعالیتلری آلیب باریلگن معدن نینگ چوکیب کیتیشی بیلن تیگیشلی تحقیق باشله تیلگن لیگی بیلدیریلگن ایدی.