افغانستان جمهوررئیسی محمد اشرف غنی نینگ تینچلیک پلانی
جمهوررئیسی غنی اوشبو تینچلیک پلانی نی ژنو کنفرانسی جریانیده اعلان قیلدی
افغانستان جمهوررئیسی محمد اشرف غنی ژنوده بولیب اوتگن افغانستان کنفرانسی جریانیده تینچلیک پلانی نی اعلان قیلدی.
غنی اوشبو پلان نینگ افغانستان خلقی بیلن بولگن بیر نیچه آیلیک مصلحت آرتیدن مطرح بولگن لیگی نی بیلدیردی.
جمهوررئیسی غنی قوییده گی شرایطده طالبان بیلن مصالحه قیلینیشی نینگ ممکن ایکن لیگی نی معلوم قیلدی:
اساسی قانون گه مطابق برچه افغانستان وطنداش لری و اینیقسه عیال لرنینگ مکلفیت لری نینگ تامین ایتیلیشی؛
اساسی قانون نینگ قبول قیلینیشی یاکه اساسی قانون حکم لری گه کوره اونینگ اوزگرتیریلیشی؛
اساسی قانونگه مطابق ملکی, نظامی و دفاعی فعالیت لرنینگ آلیب باریلیشی؛
و چیت ایل و مخرب ترماقلر بیلن ارتباطی بولگن قوراللی گروه لرگه فعالیت اجازتی نینگ بیریلمس لیگی.
جمهوررئیسی اشرف غنی, افغانستانده یشاوچی برچه تامان لرنینگ فرقلی فکر لر گه ایگه ایکن لیگی نی بیلدیررایکن, بیراق, 2004 – ییلی اساسی قانونی اعتباری نینگ اسره لیب قالینیشی, خلق ارا جامعه بیلن یقین ارتباطده بولیش و تینچلیک پروسه سی نینگ افغانستان خلقی نینگ قولیده بولیشی کبی اوچ اساسی موضوع بوییچه همفکرلیک نینگ موجود ایکن لیگی نی معلوم قیلدی.
