اوتمیش تاریخده یوز بیرگن حادثه لر

7 نچی نوامبر  1665 نچی ییل دی لندن روزنامه سی نشر بولیب باشلندی. بیرلشگن امیرلیک لر آتیده رسمی اوله راق قوریلگن روزنامه حاضرگچه اوز نشراتی گه دوام ایتماقده دیر. دی لندن روزنامه سی 1665 نچی ییل لندن ده وبا کسل لیگی باعث، انگلستان شاهی عائله سی نینگ اوکسفوردگه کوچ قیلگن لیگی اوچون اولاً "اوکسفورد روزنامه سی" آتی بیلن نشر بولیب باشلنگن بیراق شاهی عائله لندن گه کوچ قیلگندن کیین روزنامه نینگ آتی لندن اوله راق اوزگرتیریلگن دیر.

7 نچی نوامبر 1917 نچی ییل روسیه نینگ دولت اقتدارینی لینن نینگ باشقروویده گی بلشویکلر قولگه کیریتگن. بیرنچی دنیا حربی نینگ آرتیدن روسیه قشّاق لیک، غریب لیک و آچلیق بیلن دوچ کیلگن ایدی. بناً ایشچی لر بیلن قشلاق لیکلر او دورده گی روسیه حکومتی (چار روسیه سی) گه قرشی کودتا برپا قیلیب، اقتدارنی قولگه کیریتدی و روسیه ده ایلک بار سیوسیالیست اداره حاکم بولدی. لینن گرادده باشله گن کودتا حرکتی بیلن اداره نی قولگه کیریتگن بلشویکلرنینگ رهبری لینن، اولکه توپراقلرینی دولت گه باغلب، ایشچی و قشلاق صنفی حقلری اوچون بعضی بیر لایحه و قرارنامه چیقردی و قیزیل اردونی قوردی. آلمان بیلن 1918 نچی ییل برست لیتوفسک کیلیشوویگه قول قوییب، صلح قیلدی. بلشویک کودتا حرکتی نتیجه سیده 1922 نچی ییل لینن باشقرووچیلیگیده اتحادیه جماهیر شوروی تشکیل بیریلدی.  

7 نچی نوامبر 1942 نچی ییل تورک انقلاب انستیتوتی قوریلگن. اوشبو انستیتوت انقره تیل و تاریخ – جغرافیه فاکولته سی چوکاتیده قوریلگن دیر.

بو انستیتوت نینگ وظیفه سی؛ ترک انقلاب لری و ترکیه جمهوریتی دولتی نینگ تاریخی توغریسیده تحقیق آلیب باریش، اولکه مقیاسیده کتابخانه، موزیم آچیش و ترک تاریخینی توغری بیر شکلده درک ایتیلیشی و انگله تیلیشی اوچون کوره ش آلیب باریش دیر.