اندونیزیاده قولب توشگن اوچاق بیلن تیگیشلی ینگی معلوماتلر ییتیب کیلدی

اندونیزیاده پرواز قیلگندن قیسه مدت کیین قولب توشگن لیئون هوا یولی نینگ JT 610 نمبر بویینگ 737 MAX 8   مودل یوللاوچی اوچاغی نینگ قاره قطیسی گه ایریشیلدی.

کومپاس تلویزیون کانالی بیرگن خبریده معلوم قیلیشیچه، مذکور اوچاق قولب توشگن کراوانگ دینگیز ساحه سیده 30 متر چقورلیکده دینگیز کوچلری تامانیدن تاپیب آلینگن اوشبو قاره قطی تیکشیریب چیقیلیشی اوچون تیگیشلی اداره گه تسلیم ایتیلگن.

خوددی شو اوچاق دوشنبه کونی ایرته لب جاکارته دن سوماترا آرالیده جایلشگن پانگکال پینگان گه قره ب پرواز قیلگندن 13 دقیقه کیین لادرک بولگن ایدی.

مذکور اوچاق نینگ ایچیده 181 کیشی یوللاوچی و 8 کیشی پرسونل توپلم 189 کیشی بار ایدی.

اوشبو منطقه ده آلیب باریلگن قیدیروو فعالیتلری چوکاتیده 32 متر چقورلیکدن مذکور اوچاققه عاید دیب ادعا ایتیلگن 22 متر بیر تیمیر پارچه سی نینگ کوریلگن لیگی ایتیلگن ایدی.

اداره چیلر بو تیمیرنینگ تصویرینی آلیش گه حرکت ایتیب تورگن لیکلرینی بیان ایتگن ایدیلر.