آلمان باش وزیری مرکل بیلن امریکا قوشمه ایالتلری دولت باشلیغی ترامپ تیلفون آرقه لی کوریشدی

آلمان باش وزیری آنگیلا مرکل بیلن امریکا قوشمه ایالتلری دولت باشلیغی دونالد ترامپ آلیب بارگن تیلفون آرقه لی اوچره شووده ادلب منطقه سیده گی انسانی وضعیت قاله ویرسه سوریه ده گی وضعیت قولگه آلینگن.

آلمان حکومت سوزچیسی ستافن سیبرت، مرکل بیلن ترامپ نینگ تیلفون آرقه لی اوچره شگن لیکلرینی معلوم قیلیب، مذکور اوچره شوونینگ اساسی موضوعسی نینگ خلق ارا و تجاری موضوعلردن عبارت ایکن لیگینی قید ایتدی.

سیبرت "مرکل بیلن ترامپ، سوریه ده گی ینگی لیکلر اینیقسه ادلب منطقه سیده گی انسانی وضعیت بیلن تیگیشلی خواطرلرنی اظهار قیلدیلر" دیب ایتدی. عین دمده روسیه گه سوریه حکومتی نینگ اوستی گه اوز تاثیرینی قوییب بحران نینک کوپه ییب کیتیشی گه مانع بولیشی اوچون چقیریغ عملگه آشیریلگن لیگینی بیلدیردی.

سیبرت ایککی دولت اربابی نینگ اوکراین و غربی بالقانلر موضوعلریگه هم تماس قیلگن لرینی قید ایتدی.