روسیه، اسرائیل گه ایران بیلن تیگیشلی بیر تکلیف قیلدی

اسرائیل باش وزیری بنیامین نتنیاهو بیلن روسیه تشقی ایشلر وزیری سرگی لاوروف بیت المقدس ده ملاقات اوتکزدیلر.

مذکور اوچره شووگه نتنیاهو و لاورف بیلن بیر قطارده اسرائیل مدافعه وزیری اویگدور لیبرمان، اسرائیل قوراللی کوچلر قومندانی گادی ایسنکوت، روسیه قوراللی کوچلر قومندانی ولری گراسیموف بیلن بعضی بیر اسرائیل و روس اداره چیلر قتنشدی.  

روسیه دولت باشلیغی ویلادیمیر پوتین نینگ ایسته گی گه بناً بولیب اوتگن اوچره شوونینگ تفصیلاتی توغریسیده رسمی بیانات بیریلمه گن.

اسرائیل مطبوعاتی ایسه خوددی شو اوچره شووده، سوریه نینگ کیله جگی و ایران نینگ سوریه ده گی موجودیتی نینگ مطرح بولگن لیگینی یازماقده.

هارتز روزنامه سی اسرائیل لیک یوقاری مرتبه لی بیر اداره چی گه تیانتیریب بیرگن خبریگه کوره، لاوروف نتنیاهوگه سوریه ده گی ایران کوچلرینی، اسرائیل چیگره سینی تشکیل بیرگن اشغال آستیده گی گولان تپه لریدن 100 کیلو متر اوزاقده توتیشنی تکلیف قیلگن.

آتی افشا قیلینمه گن اداره چینی منبع کورسه تیب، نتنیاهونینگ لاوروف قیلگن تکلیف گه قرشی کیلیب، چیگره دن 100 کیلو متر اوزاقده هم بولسه ایران نینگ بو منطقه گه جایله شیشی گه رخصت بیرمه یمیز" دیب جواب بیرگن لیگینی افاده ایتماقده.