اسلام همکارلیک تشکیلاتی افغانستان حکومتی و طالبان نی آتش کیسیم اعلان قیلیش گه چقیردی

سعودی عربستانده اسلام همکارلیک تشکیلاتی تامانیدن ترتیب لنگن خلق ارا عالم لر ییغیلیشی جریانیده, افغانستان حکومتی و طالبان آتش کیسیم اعلان قیلیب مذاکره پروسه سی نی باشله تیش گه چقیریلدی.

سعودی عربستان رسمی خبر آژانسی نینگ خبریگه کوره, جده و مکه شهرلریده کوپلب اولکه دن 105 عالم نینگ اشتراکی بیلن بولیب اوتگن و ایککی کون دوام ایتگن "افغانستانده تینچ لیک و برقرارلیک" موضوعی گه بغیشلنگن ییغیلیش, "مکه بیلدیروی" نینگ اعلان قیلینیشی بیلن اداققه ییتدی.

اسلام همکارلیک تشکیلاتی عمومی سکرتری یوسف بن احمد العثیمین اختتامیه صحبتی جریانیده, اوشبو تشکیلات نینگ, خلق ارا ییغیلیشده اشتراک ایتگن عالم لرنینگ قراری نی حمایت قیله دیگن لیگی نی معلوم قیلرایکن, افغانستانده گی اوروش لرنی قاره له گن لیگی نی بیلدیردی. 

العثیمین, تامان لرنی هیچ قنده ی بیر شرط نی مطرح قیلمسدن تینچ لیک مذاکره لری نی باشله تیش گه چقیردی. 

دولت لر و خلق ارا تشکیلات لر نینگ, افغانستانده تینچ لیک و برقرارلیک نینگ تامین ایتیلیشی گه حصه قوشیش گه چقیریلگن بیلدیروده, حکومت بیلن طالبان اورته سیده گی کیلیشمووچیلیک لرنینگ برطرف ایتیلیشی بوییچه اینگ یخشی یول نینگ ملی دیالوگ و تینچ لیک مذاکره لریدن عبارت ایکن لیگی بیلدیریلدی.