جاپانده سیل عاقبتیده اونلب کیشی هلاک بولدی

جاپان نینگ غربی و اورته قسم لریده سیل و توپراق سیلجیشی عاقبتیده جان بیرگن کیشی لرنینگ سانی 134 نفر گه کوتریلیب کیتدی. 

اوشبو کیشی لر هیروشیما, اهیما, اوکایاما, یاماگوچی, کیویوتو, گیفو, شیگا, هویوگو, کوچی و فوکواوکا منطقه لریده جان بیرگن. 

حکومت سوزچیسی بوشیهیدا سوگا, سیل و توپراق سیلجیشی عاقبتیده کمیده 50 کیشی نینگ هلاکتگه اوچره گن لیگی نی بیلدیردی. 

قوتقریش تیمیده فعالیت آلیب باریاتگن کیشی لر سانی نینگ 75 مینگ نفر دن عبارت ایکن لیگی نی بیلدیرگن سوگا, اوشبو فعالیت لر گه 80 هلیکوپتر نینگ هم اشتراک ایتیاتگن لیگی نی ایسله تیب اوتدی.

سوگا, سیل گه قرشی کوره ش اوچون خاص کمیته قوریلگن لیگی نی بیلدیررایکن, اوشبو ساحه بوییچه 18 میلیون دالرلیک بودیجه اجره تیلگن لیگی نی معلوم قیلدی. 

19 ولایتده 5,9 میلیون کیشی نینگ تخلیه قیلینیشی بویروغی بیریلگن لیگی معلوم قیلیندی.

اوشبو حادثه سببلی باش وزیر شینزو ابی اوروپا و اورته شرققه قیله دیگن سفری نی کنسل قیلیب قویدی.