دونالد ترامپ اوز تویتر آدرسی آرقه لی اچّیق خبرنی بیردی

امریکا قوشمه ایالتلری دولت رهبری دونالد ترامپ نینگ اقتصاد مصلحتچیسی لری کودلو یوراک خروجی (سکته قلبی) اوتکزگنی بیلدیریلدی.

ترامپ، سنگاپورده شمالی کوریا رهبری کیم جونگ-اون بیلن اوتکزه دیگن ملاقاتدن بیر نیچه دقیقه آلدی اوز تویتر آدرسی آرقه لی "تجارت و اقتصاد اوچون جان – باش بیلن فعالیت قیلیب تورگن مدحش انسان لری کودلو یوراک خروجی حادثه سی بیلن دوچ کیلدی. او شو وقت والتر رید طب مرکزیده دیر" دیب بیانات بیردی.  

کودلو، اینگ سونگ ترامپ گه کاناداده اویوشتیریلگن جی 7 جلسه سیگه همراه لیک قیلگن ایدی. مطبوعاتگه بیرگن بیاناتیده کانادا باش وزیری جاستین تردونی خیانت قیلیش بیلن عیبلب،

"بیزنی آرقه دن اوردی" دیب ایتگن ایدی.

رونالد ریگن اداره سیده هم اقتصاد وزیری اوله راق وظیفه آلیب بارگن 70 یشر لری کودلو، مارچ آییده آق اوی اقتصاد کینگشی باشلیغی وظیفه سیگه تعیین قیلینگن ایدی.

کودلو، وال سترید تجربه سیگه ایگه ایدی عین دمده امریکا قوشمه ایالتلری نینگ اینگ بویوک تلویزیون کاناللریدن بیرته سی بولمیش CNBC ده اقتصاد پروگرامینی آلیب بارگن ایدی.