بیرلشگن عرب امیرلیکلری و قطر هم افغانستانگه حربی یوباره دی

افغانستان ملی خوفسیزلیک کینگشی بیرلشگن عرب امیرلیک لری و قطر نینگ هم افغانستانگه حربی یوباره دیگن لیگی نی معلوم قیلدی. 

اوشبو کینگش تامانیدن بیریلگن بیاناتده, خوددی منه شوو ایککی اولکه نینگ افغانستانگه حربی یوباریش بوییچه طلبی نینگ مذکور کینگش طرفیدن قبول قیلینگن لیگی نی بیلدیردی. 

بیاناتده خوددی منه شوو حربی لرنینگ تعلیمی و مشورتی فعالیت لر بوییچه ایش آلیب باره دیگن لیک لری معلوم قیلیندی. 

بیریلگن بیاناتده اوشبو حربی لرنینگ سانی و قچان افغانستانگه کیله دیگن لیک لری خصوصیده ایسه انیق بیر معلومات بیریلمه دی. 

اوتگن هفته ده امریکا لیک قوماندان جنرال جان نیکولسون بیرلشگن عرب امیرلیک لری و قطر نینگ افغانستانگه حربی یوباریش نی طلب ایتیاتگن لیگی نی بیلدیرگن ایدی.